بنگلہ دیش کو شکست دے کر انگلینڈ سپر لیگ ٹیبل پر نمبر ون

انگلش کرکٹ ٹیم کی بنگلہ دیش کے خلاف دوسرے ون ڈے میچ میں کامیابی نے سپر لیگ کے ٹیبل پر پہلی پوزیشن دلا دی۔26 نومبر سے بھارت میں شیڈول آئی سی سی ورلڈکپ میں پاکستان سمیت 7 ٹیمیں کنفرم ہو چکی ہیں، آئی سی سی کی طرف سے جاری کردہ رینکنگ کے مطابق انگلینڈ 155 پوائنٹس کے ساتھ پہلے نمبر پر پہنچ گیا ہے۔نیوزی لینڈ کے پوائنٹس کی تعداد 150 اور پوزیشن دوسری ہے، ون ڈے ورلڈکپ کا میزبان بھارت 139 پوائنٹس کے ساتھ تیسرے نمبر پر ہے، پاکستان کی پوزیشن چوتھی اور پوائنٹس کی تعداد 130 ہے۔آسٹریلیاکا درجہ بندی میں پانچواں نمبر ہے، بنگلہ دیش کے بھی پوائنٹس 120 ہیں لیکن اس کی پوزیشن دو میچز زیادہ کھیلنے کی وجہ سے چھٹی ہے، افغانستان 115 پوائنٹس کے ساتھ ساتویں درجے پر ہے۔ویسٹ انڈیز، جنوبی افریقہ، سری لنکا، آئرلینڈ، زمبابوے اور نیڈر لینڈ کو ورلڈکپ میں جگہ پانے کے لیے ابھی مزید جدوجہد کرنا ہو گی، 10 ٹیموں پر مشتمل یہ ورلڈکپ 2019 کے فارمیٹ پر کھیلا جائے گا۔