بلوچستان کے این اے 53 اور پی بی 9 کوہلو میں ری پولنگ جاری

بلوچستان میں قومی اسمبلی کے حلقہ این اے 253 اور پی بی 9 کوہلو کے 7 پولنگ اسٹیشنز پر ری پولنگ جاری ہے۔الیکشن کمیشن کے مطابق پولنگ میں 8 ہزار 263 ووٹرز حق رائے دہی استعمال کریں گے، اس حوالے سے تمام تر انتظامات مکمل ہیں ۔ری پولنگ کیلئے 5 مشترکہ اور خواتین کے لیے 2 پولنگ اسٹیشنز قائم کیے گئے ہیں۔الیکشن کمیشن کے مطابق پولنگ کا عمل صبح 8 بجے سے شروع ہوکر بغیر کسی وقفے کے شام 5 بجے تک جاری رہے گا۔ اس دوران سیکیورٹی ہائی الرٹ رہے گی۔واضح رہے کہ الیکشن کمیشن نے 12 فروری کو این اے 253 اور بلوچستان اسمبلی کے حلقہ پی بی 9 کوہلو کے 7 پولنگ اسٹیشنز دوبارہ پولنگ کروانے کا نوٹیفکیشن جاری کیا تھا۔8 فروری کو یہاں امن وامان کی خراب صورتحال کی وجہ سے پولنگ نہیں ہوسکی تھی۔اس سلسلے میں چیف سیکرٹری بلوچستان ، آئی جی بلوچستان اور دیگر لا انفورسنگ ایجنسیز کو ضروری ہدایات جاری کی گئی تھیں