برطانوی وزیر اعظم رشی سونک نے کنگ چارلس کو اپنا استعفیٰ پیش کردیا، کیئر اسٹامر نئے وزیراعظم نامزد

برطانیہ کے عام انتخابات میں شکست کے بعد وزیر اعظم رشی سونک نے کنگ چارلس کو اپنا استعفیٰ پیش کردیا ہے جب کہ کیئر اسٹارمر نے بھی اہلیہ کے ہمراہ بکنگھم پیلس میں کنگ چارلس سے ملاقات کی اور حکومت بنانے کی دعوت قبول کرلی۔واضح رہے کہ برطانیہ میں کنزرویٹو کا 14 سالہ دور ختم ہوگیا ۔ عام انتخابات میں لیبر پارٹی نے فتح حاصل کرلی ہے جس کے بعد سر کئیر اسٹارمر نئے وزیراعظم بن گئے ہیں۔ 650 میں سے 648 نشستوں کے نتائج سامنے آئے ہیں اور لیبر پارٹی نے اب تک 412 نشستیں حاصل کرلی ہیں۔ عام انتخابات میں کنزرویٹو نے 121 اور لبرلز نے 71 نشستیں حاصل کی ہیں۔ حکومت سازی کے لیے پارلیمنٹ کی 650 نشستوں میں سے 326 نشستیں درکار ہوتی ہیں اور لیبر پارٹی بھارتی اکثریت میں کامیاب ہوکر حکومت بنانے کی پوزیشن میں آگئی ہے۔بکنگھم پیلس میں کنگ چارلس سے ملاقات کے بعد برطانیہ کے نئے وزیر اعظم کیئراسٹارمر نے اپنے خطاب میں کہا کہ میں ابھی شاہی محل سے واپس آیا ہوں، اور میں نے وزیراعظم بننے کی پیشکش قبول کرلی ہے۔نو منتخب وزیر اعظم کا کہنا تھا کہ دنیا کو سنگین چیلنجز کا سامنا ہے، مل کر مقابلہ کریں گے، ورکنگ کلاس کی زندگیوں کو مزید بہتر بنائیں گے۔ان کا کہنا تھا کہ تبدیلی کیلئے فوری طور پر کام شروع ہو جائے گا، عوام نے تبدیلی اور خدمت کیلئے ووٹ دیا ہے۔