الیکشن کمیشن سندھ کے دفتر کے باہر دھماکے کی رپورٹ تیار

الیکشن کمیشن سندھ کے دفتر کے باہر دھماکے کی رپورٹ بم ڈسپوزل اسکواڈ (بی ڈی ایس) نے تیار کرلی۔کراچی کے علاقے صدر میں الیکشن کمیشن کے دفتر کے باہر دھماکے کی رپورٹ تیار کرلی گئی، بم ڈسپوزل اسکواڈ کی رپورٹ میں دھماکا پرامن الیکشن کے انعقاد کو سبوتاژ کرنے کی سازش قرار دیا ہے۔رپورٹ کے مطابق دہشت گردوں نے آئی ای ڈی ٹائم ڈیوائس نصب کی تھی، دھماکے کے ذریعے معصوم شہریوں کو نقصان پہنچانا تھا، خوش قسمتی سے واقعے میں کوئی جانی نقصان نہیں ہوا۔رپورٹ میں کہا گیا کہ ڈی آئی جی ساؤتھ آفس سےدھماکے کی اطلاع موصول ہوئی، اطلاع ملتے ہیں بم ڈسپوزل اسکواڈ کے انچارج ٹیم کے ہمراہ جائے وقوعہ پر پہنچے، 100 کلومیٹر کے علاقے کو گھیرے میں لے کرسرچنگ کی گئی۔رپورٹ کے مطابق میکینکل ٹائمر 15 انچ لمبے 2 تاروں کے ساتھ تباہ شدہ حالت میں ملا، 12 وولٹ کی بیٹری تباہ شدہ حالت میں ملی، سلور ٹیپ کے ساتھ لپیٹا گیا تھا، جائے وقوعہ سے بال بیرنگ یا کوئی اور چیز نہیں ملی، دھماکے کی آواز ایک سے 2 کلو میٹر تک سنائی دی گئی۔بم ڈسپوزل اسکواڈ رپورٹ میں مزید بتایا گیا کہ دھماکے کے باعث 4 سے 5 میٹر تک نقصان ہوا، دھماکا خیز مواد شاپر میں تھا، دھماکے میں 400 گرام ہوم میڈ مواد استعمال کیا گیا