اسلام آباد ہائی کورٹ نے العزیزیہ سٹیل ملز ریفرنس میں نواز شریف کو بری کردیا

چیف جسٹس عامر فاروق کی سربراہی میں دو رکنی بینچ نے العزیزیہ سٹیل ملز ریفرنس میں احتساب عدالت کی جانب سے دیے گئے سزا کے خلاف نواز شریف کی اپیل پر سماعت کی۔ نواز شریف کے وکیل امجد پرویز اور نیب پراسکیوٹر کے دلائل سننے کے بعد عدالت نے اپیل پر فیصلہ محفوظ کیا تھا۔ عدالت نے محفوظ فیصلہ سناتے ہوئے نواز شریف کی العزیزیہ ریفرنس میں سزا کالعدم قرار دے دی۔خیال رہے 24 دسمبر 2018 کو اسلام آباد کی احتساب عدالت نے سابق وزیراعظم نواز شریف کو العزیزیہ سٹیل ملز ریفرنس میں7 سال قید اور جرمانے کی سزا سنائی تھی۔رواں سال 26 اکتوبر کو اسلام آباد ہائیک ورٹ نے (ن) لیگی قائد نواز شریف کی درخواست پر ایون فیلڈ اور العزیزیہ ریفرنسز میں سزا کے خلاف اپیلیں بحال کی تھیں۔گذشتہ دنوں اسلام آباد ہائی کورٹ نے ایون فیلڈ ریفرنس میں سابق وزیراعظم نوازشریف کی 11 سال قید کی سزا کالعدم قرار دے کر انہیں بری کیا تھا۔