اسرائیلی حملوں،موسم کی سختی، غزہ میں مزید 14 فلسطینی جان کی بازی ہار گئے

اسرائیلی حملوں اور موسم کی سختی سے غزہ میں مزید 14 فلسطینی جان کی بازی ہار گئے۔غزہ میں شدید سردی اور بارش سے بے گھر فلسطینیوں کی مشکلات میں اضافہ ہوگیا، طوفانی ہواؤں سے فلسطینیوں کے خیمے اکھڑ گئے، بارش کا پانی خیموں میں داخل ہونے سے بے گھر فلسطینیوں کیلئے بیٹھنا مشکل ہوگیا۔الشفا ہسپتال کی چھتوں سے پانی ٹپکنے لگا، مریضوں کیلئے صورتحال تشویشناک ہوگئی، اسرائیلی ناکہ بندی کے باعث غزہ میں بنیادی ضروریات کی شدید قلت پیدا ہوگئی۔حماس عہدیدار نے کہا کہ اسرائیل نے 813 مرتبہ جنگ بندی کی خلاف ورزی کی، اسرائیلی خلاف ورزیاں جنگ بندی معاہدے کو خطرے میں ڈال رہی ہیں۔