کینیا میں ٹیکسوں کے خلاف ہنگامے، پولیس ایکشن سے 13 مظاہرین ہلاک

حکومت کی طرف سے ٹیکسوں میں اضافہ کیے جانے پر کینیا میں ہنگامے پھوٹ پڑے ہیں اور اِن ہنگاموں کے دوران پولیس ایکشن سے ہلاک ہونے والوں کی تعداد 13 ہوگئی ہے۔کینیا کے صدر ولیم ریوٹو نے احتجاج کے نام پر انتشار پھیلانے والوں کے خلاف قانونی چارہ جوئی کا اعلان کردیا جبکہ اپوزیشن لیڈر رائیلا امولو اوڈنگا نے احتجاج کرنے والوں کے خلاف کریک ڈاؤن ختم کرکے مذاکرات کا مطالبہ کیا ہے۔رائیلا اوڈنگا 2008 سے 2013 تک کینیا کے وزیر اعظم رہے اور 2013 سے اب تک اپوزیشن لیڈر ہیں۔امریکا کے علاوہ یورپ کے متعدد ممالک نے بھی کینیا کے عوام پر زور دیا ہے کہ وہ احتجاج کے دوران ضبط و تحمل سے کام لیں اور حالات کو خراب نہ کریں۔گزشتہ روز دارالحکومت نیروبی میں بھی ہنگامے پھوٹ پڑے۔ مشتعل مظاہرین نے پارلیمنٹ پر دھاوا بول کر آگ لگادی تھی۔ سینیٹ اور گورنر ہاؤس کو بھی جلادیا گیا تھا