کراچی پولیس ہیڈ آفس میں فورسز کےہاتھوں ہلاک ہونےوالے 2 دہشتگردوں کی شناخت ہوگئی

کراچی پولیس ہیڈ آفس ( کے پی او ) میں کلیئرنس کے دوران سیکورٹی فورسز کے ہاتھوں مارے جانے والے تین میں سے 2 دہشت گردوں کی شناخت ہوگئی ہے۔پولیس ذرائع کے مطابق دونوں دہشت گردوں کا تعلق صوبہ خیبرپختونخوا سے تھا

ایک دہشتگرد کی شناخت کفایت اللہ ولد میرز علی خان کے نام سے ہوئی ہے جو لکی مروت کا رہائشی تھا۔پولیس کے مطابق دوسرے دہشت گرد کی شناخت ذالا نور علی ولد وزیر رحمان کے نام سے ہوئی ہے

اور اس کا تعلق شمالی وزیرستان سے ہے۔ ہلاک ہونے والے دونوں دہشت گردوں کا مزید ریکارڈ چیک کیا جا رہا ہے اور اس مقصد کے لیے ان کے فنگر پرنٹس بھی نادرا کو بھجوا دیے گئے ہیں۔ گزشتہ روز کراچی پولیس آفس (کے پی او) پر دہشت گردوں کے حملے میں دو پولیس اہلکاروں اور رینجرز اہلکار سمیت 4 افراد شہید ہوگئے جبکہ پولیس اور قانون نافذ کرنے والے اداروں کی جوابی کارروائی میں 3 دہشت گرد ہلاک کر دیئے گئے تھے۔