پی ٹی آئی اور ق لیگ کا چیف سیکرٹری کیخلاف تحریک استحقاق لانےکا فیصلہ

پاکستان تحریک انصاف اور مسلم لیگ ق نے پنجاب اسمبلی میں چیف سیکرٹری کیخلاف تحریک استحقاق لانے کا فیصلہ کیا ہےپاکستان تحریک انصاف اور مسلم لیگ ق نے پنجاب اسمبلی میں چیف سیکرٹری کیخلاف تحریک استحقاق لانے کا فیصلہ کیا ہے ۔ذرائع کے مطابق پی ٹی آئی اور ق لیگ کے پارلیمانی رہنماوں کا مشاورتی اجلاس ہوا ، اجلاس میں موجودہ سیاسی صورتحال کا جائزہ لیا گیا ۔اجلاس میں کہا گیا کہ چیف سیکرٹری عبداللہ سنبل نے منتخب وزیر اعلٰی کے خلاف غیر قانونی اقدام میں ساتھ دیا، چیف سیکرٹری پنجاب نے گورنر پنجاب کے غیر قانونی اقدامات پرعمل کیا، چیف سیکرٹری پنجاب کے غیر قانونی عمل سے عوام کااستحقاق کو مجروح ہوا ، اس لیے پنجاب اسمبلی میں انکے خلاف تحریک استحقاق جمع کروائی جائے گی ۔ واضح رہے کہ گورنر پنجاب پنجاب بلیغ الرحمان نے وزیر اعلیٰ چوہدری پرویز الہیٰ کو ڈی نوٹیفائی جبکہ چیف سیکریٹری نے صوبائی کابینہ کو تحلیل کرنے کا نوٹی فکیشن جاری کیا تھا ۔ چیف سیکریٹری نے احکامات کے تحت چوہدری پرویز الہی اور کابینہ کو تحلیل کرنے کا نوٹی فکیشن جاری کیا گیا تھا ۔