تحریکِ عدم اعتماد پر جنرل باجوہ سےمشورہ مانگاتھا،فروغ نسیم رہنما ایم کیو ایم

عمران خان کے دور حکومت کے وزیر قانون اور ایم کیو ایم کے سینیٹر ڈاکٹر فروغ نسیم نے کہا ہے کہ میں نے تحریکِ عدم اعتماد پر جنرل ریٹارڈ باجودہ سے مشورہ مانگا کہ ہمیں کیا کرنا چاہیے جس پر جنرل ریٹائرڈ باجوہ نے واضح الفاظ میں کہا تھا کہ یہ آپ کا معاملہ ہے۔فروغ نسیم کا کہنا ہے کہ پاک فوج سے میرا رابطہ رہا ہے اور رہے گا، سابق آرمی چیف جنرل ریٹائرڈ قمر جاوید باجوہ سے اچھا تعلق ہے، ایک غیر رسمی گفتگو میں ان سے عدم اعتماد کی تحریک پیش ہونے پربات ہوئی تھی۔انہوں نے مزید کہا کہ جنرل ریٹائرڈ باجوہ سے میرا رابطہ رہتا تھا اور رہے گا، میں نے جنرل ریٹارڈ باجودہ سے مشورہ مانگا کہ ہمیں کیا کرنا چاہیے، فروغ نسیم کا کہنا تھا کہ عدم اعتماد کی تحریک پر جنرل باجوہ سے سرکاری حیثیت میں بات نہیں کی تھی جنرل ریٹائرڈ باجوہ نے کہا جو آپ کے بہتر مفاد میں ہو وہ فیصلہ کریں، جنرل ریٹائرڈ باجوہ نے کہا آپ کو بہتر معلوم ہے کہ آپ کے بہتر مفاد میں کیا ہے۔فروغ نسیم کا بتانا تھا کہ جنرل ریٹائرڈ باجوہ نے کہا کہ آپ اپنے فیصلے میں آزاد ہیں، نہ جنرل ریٹائرڈ باجوہ کوئی ہدایت دے رہے تھے نہ ہم ان سے ہدایت لے رہے تھے