امیر بالاج قتل کیس کامرکزی ملزم طیفی بٹ مبینہ سی سی ڈی مقابلے میں ہلاک

امیر بالاج ٹیپو قتل کیس کا مرکزی ملزم خواجہ تعریف گلشن عرف طیفی بٹ مبینہ مقابلے میں ہلاک ہوگیا۔ذرائع کے مطابق مبینہ سی سی ڈی پولیس مقابلہ رحیم یار خان کے علاقے میں ہوا، سی سی ڈی اہلکار ملزم طیفی بٹ کو تفتیش کے لیے رحیم یار خان لے کر جارہے تھے

۔ذرائع کا کہنا ہے کہ ملزم طیفی بٹ کو دبئی سے لاہور لایا گیا تھا جس پر قتل کے متعدد الزامات تھے۔ذرائع کے مطابق ملزم خواجہ تعریف گلشن عرف طیفی بٹ کو دبئی کی عدالت میں پیش کیا گیا تھا جہاں عدالت نے طیفی بٹ سے پاکستان جانے سے متعلق سوال کیا، اس پر ملزم نے پاکستان جانے اور مقدمات کا سامنا کرنے کا کہا تھاذرائع نے بتایا کہ ملزم کی رضا مندی پر دبئی کی عدالت نے طیفی بٹ کو پنجاب پولیس کے حوالے کردیا تھا۔واضح رہے کہ گزشتہ سال 19 فروری کو لاہور میں ٹھوکر نیاز بیگ کے قریب نجی سوسائٹی میں شادی کی تقریب کے دوران حملہ آوروں نے فائرنگ کر کے ٹیپو ٹرکاں والا کے بیٹے امیر بالاج ٹیپو کو قتل کردیا تھا، ڈی ایس پی سی سی ڈی. ماڈل ٹاؤن کی جانب سے طیفی بٹ پولیس مقابلے کی ایف آئی آر تھانہ کوٹ سبزل رحیم یار خان میں درج کرائی گئی ایف آئی آر نمبر 826/25درج کرائی گئی ہے. ایف آئی آر کے مطابق طیفی بٹ کے 7/8 ساتھیوں نے طیفی بٹ کو لاہور لانے والی سرکاری گاڑی پر اندھا دھند فائرنگ کی اور طیفی بٹ کو چھڑا کر ساتھ لے گئے جبکہملزموں کی فائرنگ سے کانسٹیبل بھی شدید زخمی ہوگیا