پنجاب میں انتخابات کی تاریخ دینے کےبعد وزیر اعظم کی زیرصدارت اہم اجلاس

پنجاب کے انتخابات کی تاریخ پروزیراعظم شہباز شریف کے زیر صدارت اہم اجلاس میں غور کیا گیا۔ اجلاس میں آصف زرداری، مولانا فضل الرحمان، نگران وزیر اعلیٰ پنجاب محسن نقوی سمیت اہم شخصیات نے شرکت کی، اجلاس میں ملک کی مجموعی سیاسی و معاشی صورتحال کا جائزہ لیا گیا۔اجلاس میں ملکی سکیورٹی کی صورتحال پر بھی غور کیا گیا، اجلاس میں وزیر اعظم محمد شہباز شریف نے اتحادیوں کو موجودہ صورتحال پر اعتماد میں لیا، ملکی معاشی صورتحال پر آئندہ کی حکمت عملی پر غور ہوا۔وزیر اعظم کے زیر صدارت اجلاس میں صدر مملکت عارف علوی کی جانب سے پنجاب کے انتخابات کی تاریخ پر بھی غور و خوض کیا گیا، اجلاس کے بعد آصف زرداری اور مولانا فضل الرحمان وزیر اعظم ہاؤس سے واپس روانہ ہو گئے۔