برطانوی شخص کی چیریٹی فنڈ کیلئے 18000 فٹ کی بلندی سے چھلانگ، ریکارڈ بنا ڈالا

برطانوی شخص نے نیپال میں موجود ہیمالیہ کے پہاڑ ‘میرا پیک’ سے چھلانگ لگا کر عالمی ریکارڈ اپنے نام کرلیا۔گنیز ورلڈ ریکارڈ کے مطابق 34 سالہ جوشوا بریگ مین نے 18ہزار 753 فٹ سے اسکیئنگ کرتے ہوئے پیراشوٹ کے ذریعے زمین پر چھلانگ لگائی جسے دنیا کی سب سے اونچی ski-BASE جمپ قرار دیا جارہا ہےگنیز ورلڈ ریکارڈ کی جانب سے بتایا گیا کہ جوشوا بریگ مین نے اس کارنامے کو انجام دینے کیلئے اپنی ٹیم کے ساتھ مل کر 2 ہفتے کی محنت کی جس میں ہائیکنگ، اسکیئنگ اور اونچائی پر کیمپ میں رہنے سمیت کچرے کی صفائی شامل ہے۔گنیز ورلڈ ریکارڈ کے مطابق برطانوی شخص نے خیراتی رقم جمع کرنے کیلئے اور نیپال میں انسانی اسمگلنگ سے متعلق آگاہی فراہم کرنے کے لیے اس چیلنج کو قبول کیا۔واضح رہے اس سے قبل یہ ریکارڈ 2019 میں فرانسیسی شہری Matthias Giraud نے 14000 فٹ کی بلندی سے چھلانگ لگا کر قائم کیا