انٹیلیجنس بیسڈ آپریشن میں 50 لاکھ سر کی قیمت والا دہشتگرد ہلاک، 2 جوان شہید

پاک فوج کے شعبہ تعلقات عامہ (آئی ایس پی آر) کے مطابق بونیر میں انٹیلی جنس بیسڈ آپریشن کے دوران انتہائی مطلوب دہشتگرد سلیم عرف ربانی ہلاک اور دو زخمی ہوگئے۔ جب کہ آپریشن کے دوران دو جوانوں نے بھی جام شہادت نوش کیا۔آئی ایس پی آر کے مطابق سلیم ربانی ٹارگٹ کلنگ اور بھتہ خوری میں ملوث رہا، جس کے سر کی قیمت 50 لاکھ روپے مقرر تھی۔ترجمان پاک فوج نے مزید بتایا کہ ہلاک دہشتگرد سکیورٹی فورسز اور بےگناہ شہریوں پر حملے میں ملوث تھا۔آپریشن کے دوران لانس حوالدار مدثر محمود اور لانس نائیک حسیب جاوید بہادری سے لڑتے ہوئے شہید ہوئے۔آئی ایس پی آر کا کہنا ہے کہ لانس حوالدار مدثر محمود شہید کا تعلق ضلع راولپنڈی سے تھا۔ انھوں نے 16سال ملک کے دفاع کی ذمہ داریاں سرانجام دیں۔مدثر محمود شہید نے سوگواران میں والدین، اہلیہ اور 2 بیٹے چھوڑے ہیں۔لانس نائیک حسیب جاوید شہید کا تعلق آزاد کشمیر کے ضلع پونچھ سے ہے۔ لانس نائیک حسیب جاوید شہید نے 5 سال تک ملکی دفاع کی ذمہ داریاں سرانجام دیں