افغان طالبان نے ٹویٹر کو “آزادی اظہارِ رائے” کا بہترین پلیٹ فارم قرار دیدیا

سنسر شپ کی ذد میں ایلون مسک کے پلیٹ فارم ٹوئٹر کو افغان طالبان نے ’آزادی اظہار ’ کے لیے بہترین پلیٹ فارم قرار دیا ہے۔ اے ایف پی کے مطابق ایک سینئر طالبان رہنما انس حقانی کا اس حوالے سے کہنا ہے کہ ’تھریڈز‘ کے آغاز کے بعد ٹوئٹر کو دوسرے سوشل میڈیا پلیٹ فارمز کے مقابلے میں ’دو اہم فوائد‘ حاصل ہوئے ہیں۔انس حقانی نے کہا کہ پہلا فائدہ آزادی اظہار جبکہ دوسرا عوامی نوعیت اور ٹوئٹر کی ساکھ ہے۔ انہوں نے مزید کہا کہ ’ٹوئٹر باقی میٹا کی طرح عدم برداشت کی پالیسی نہیں رکھتا اس لیے دیگر پلیٹ فارمز کیلئے اس کی جگہ لینا ممکن نہیں ۔دوسری جانب طالبان رہنما کے ٹویٹر کے حوالے سے بیان پر چند صارفین نے رد عمل دیتے ہوئے کہا کہ طالبان حکومت نے شہریوں کو برابر کے حقوق نہیں دئیے۔