ایران کی جانب سے فضائی خلاف ورزی پر دفتر خارجہ کا سخت ردعمل

‏پاکستان کی ایران کی جانب سے فضائی حدود کی بلا اشتعال خلاف ورزی کی شدید مذمتپاکستان کی خودمختاری کی خلاف ورزی مکمل طور پر ناقابل قبول ہے اور اس کے سنگین نتائج نکل سکتے ہیں پاکستان ایران کی جانب سے اپنی فضائی حدود کی بلا اشتعال خلاف ورزی کی شدید مذمت کرتا ہے جس کے نتیجے میں دو معصوم بچے جاں بحق اور تین بچیاں زخمی ہو ئیںیہ اور بھی تشویشناک ہے کہ یہ غیر قانونی عمل پاکستان اور ایران کے درمیان رابطے کے متعدد چینلز کے موجود ہونے کے باوجود ہوا ہےپاکستان نے ہمیشہ کہا ہے کہ دہشت گردی خطے کے تمام ممالک کے لیے مشترکہ خطرہ ہے جس کے لیے مربوط کارروائی کی ضرورت ہے۔ اس طرح کی یکطرفہ کارروائیاں اچھے ہمسایہ تعلقات کے مطابق نہیں ہیں اور یہ دو طرفہ اعتماد کو شدید نقصان پہنچا سکتے ہیں۔پاکستان کیجانب سےپہلےہی تہران میں ایرانی وزارت خارجہ میں متعلقہ سینئرعہدیدار کےپاس شدیداحتجاج درج کرایا گیا۔ایرانی ناظم الامور کو وزارت خارجہ میں بلایا گیاہے تاکہ وہ پاکستان کی خودمختاری کی اس صریح خلاف ورزی کی شدید مذمت کریں۔اسکے نتائج کی ذمہ داری پوری طرح سےایران پرعائد ہوگی

دفتر خارجہ پاکستان