awareinternational A Credible Source Of News
پی ٹی آئی لانگ مارچ کے لیے راولپنڈی پولیس نے سیکیورٹی پلان کو حتمی شکل دیتے ہوئے لانگ مارچ کے لیے 10 ہزار سے زائد پولیس اہلکاروں کو تعینات کرنے کا فیصلہ کیا ہے ۔ پنجاب پولیس کے لانگ مارچ کے لیے سیکیورٹی پلان کے مطابق پنجاب ہائی وے پٹرولنگ کے 500 اور 122 کمانڈوز کو لانگ مارچ کی سیکیورٹی کے لیے تعینات کیا جائے گا۔سیکیورٹی پر 38 ایلیٹ فورس اہلکار،91 خواتین اور 1 ہزار 94 ٹریفک پولیس اہلکار تعینات کیے جائیں گے۔سیکیورٹی پلان کے تحت پنجاب پولیس اور پنجاب ہائی وے پٹرولنگ کے اہلکار اسٹینڈ بائی پر موجود رہیں گے، حقیقی آزادی مارچ کی مانیٹرنگ کے لیے کلوز سرکٹ کیمروں کا کام بھی مکمل کرلیا گیا، لانگ مارچ کی سیکیورٹی کی براہ راست نگرانی ایس ایس پی آپریشنز کریں گے۔دوسری جانب اسلام آباد ہائی کورٹ میں مقامی تاجروں کی پی ٹی آئی دھرنے کے باعث راستوں کی بندش کے خلاف درخواست پر سماعت ہوئی۔پی ٹی آئی کی جلسے اور دھرنے کے لیے این او سی کے اجراء کی درخواست پر سماعت کرتے ہوئے اسلام آباد ہائی کورٹ نے حکم دیا ہے کہ تحریکِ انصاف جلسے و دھرنے کے لیے انتظامیہ سے باقاعدہ اجازت لے
