لانگ مارچ سے قبل اسلام آباد کے ریڈ زون کو زیرو پوائنٹ تک توسیع دے دی گئی

تحریک انصاف کے لانگ مارچ کے باعث وفاقی حکومت نےاسلام آباد کے ریڈ زون کو زیرو پوائنٹ تک بڑھا دیا ہے۔ جسکے بعد حکومت تحریک انصاف کے لانگ مارچ کو زیرو پوائنٹ سے آگے جانے کی اجازت نہیں دے گی

سپریم کورٹ کی جانب سے تحریک انصاف کو اسلام آباد میں لانگ مارچ اور دھرنے کی اجازت دے رکھی ہے، تاہم عدالتی حکم کے مطابق پی ٹی آئی کی قیادت یا کارکنان ریڈ زون میں داخل نہیں ہوسکتےگزشتہ روز چیئرمین پی ٹی آئی عمران خان نے بھی ایک انٹرویو میں کہا تھا کہ 26 سال سے سیاست میں ہوں، ہم سے زیادہ کسی نے احتجاج نہیں کیا ہوگا، 120 دن کا دھرنا دیا، تاریخ ہے ہم ہمیشہ پرامن، آئین اور قانون کے اندر رہ کر احتجاج کرتے ہیں، عدالت نے جو لائنز دیں ان پر رہیں گے، ریڈ زون میں نہیں جائیں گے۔اب دوسری جانب وفاقی حکومت نے لانگ مارچ کے لئے اسلام آباد کے ریڈ زون کو زیرو پوائنٹ تک توسیع دے دی ہے، جہاں حکومت کی جانب سے دفعہ 144 نافذ رہے گی