عمران خان کی نااہلی،اقتدار کے ایوانوں میں ہلچل، پارلیمنٹ کامشترکہ اجلاس بلانے پر غور

توشہ خانہ کیس میں الیکشن کمیشن کی جانب سے تحریک انصاف کے چیئرمین عمران خان کو نااہل قرار دئیے جانے کے فیصلے نےاقتدار کے ایوانوں میں ہلچل مچا دی ہے اب یہ معاملہ قومی اسمبلی میں پہچ گیا ہے اور قو اسمبلی کے پیر کے روز سے شروع ہونے والے اجلاس میں اس پر بحث کا آغاز ہونے کی اطلاعات ہیں

قومی اسمبلی کا اجلاس جمعے کی شام کو ختم ہونا تھا تاہم ارکان پارلیمنٹ نے حکومت سے مطالبہ کیا کہ وہ اسے پیر کے روز تک بڑھادیں تاکہ وہ الیکشن کمیشن کے فیصلے کے مختلف پہلووں پر بحث کرسکیں۔

ایف اے ٹی ایف کی جانب سے پاکستان کا نام گرے لسٹ سے نکال کر وائٹ لسٹ میں ڈالنے کا معاملہ بھی اجلاس میں زیر بحث آئے گا جبکہ ارکان اسمبلی پاکستان کو گرے لسٹ سے نکالنے والے افراد کو خراج تحسیشن پیش کرین گے۔امکان ہے کہ الیکشن کمیشن کے بے خوف فیصلے پر پارلیمنٹ ایک قرارداد بھی منظور کرلے گی، الیکشن کمیشن نے پی ٹی آئی چیئرمین کی دھمکیوں کے باوجود بہادری کا مظاہرہ کیا۔وزیراعظم شہباز شریف، وزیرخارجہ بلاول زرداری بھٹو بھی قومی اسمبلی کے اجلس میں شرکت کریں گے۔ یہ پارلیمنٹ کے موجودہ سیشن میں وزیراعظم کی واحد شرکت ہوگی۔

دوسری تجویز یہ بھی ہے کہ پارلیمنٹ کا مشترکہ اجلاس بھی بلایا جاسکتا ہے جسے نومبر کے آخری ہفتے تک موخر کردیا گیا تھا تاہم اسپیکر راجہ پرویز اشرف اسے شیڈول سے پہلے پیر کے روز بھی طلب کرسکتے ہیں۔

Leave a Reply

Your email address will not be published. Required fields are marked *