سابق وزیراعلی عثمان بزدار کےکارخاص طاہر خورشید کو کروڑوں کی کرپشن میں کلین چٹ

سابق وزیر اعلیٰ پنجاب عثمان بزدار کے کارخاص اور سابق پرنسپل سیکرٹری طاہر خورشید کو اینٹی کرپشن پنجاب کی جانب سے کروڑوں روپے کےمبینہ کرپشن کے مقدمات میں کلین چٹ دیدی گئی ہے

یہ بات قابل ذکر ہے کہ ینٹی کرپشن پنجاب طاہر خورشید کو کرپشن کیسز میں متعدد بار طلب کر چکاہے مگر وہ کسی بھی انکوائری میں پیش نہیں ہوئے تھے ، اینٹی کرپشن نے پوچھ گچھ کے لیے انہیں 6 جولائی کو بھی طلب کیا لیکن طاہر خورشید پیش نہیں ہوئے تھے۔طاہر خورشید پر سڑکوں کے ٹینڈرز کی منظوری دینے سے لیکر کروڑوں روپے رشوت لینے کا الزام تھا۔اس کے علاوہ طاہر خورشید پر اور وسیم طارق پر پراجیکٹ کےاضافی فنڈزکی منظوری کے لیے بھی کروڑوں روپے رشوت لینے کا الزام ہے،طاہر خورشید پر سرکاری منصوبوں میں کروڑوں روپے رشوت وصول کرنے کے مبینہ الزامات سمیت افسران کی ٹرانسفرپوسٹنگ کے لیے بھی پیسے لینے کا الزام ہے ، اینٹی کرپشن چیف انجینئر سی اینڈ ڈبلیو وسیم طارق کو گرفتار کیا تھا۔اب اینٹی کرپشن نے سابق پرنسپل سیکرٹری طاہر خورشید کے خلاف کروڑوں روپے مبینہ کرپشن کی انکوائری ختم کرکے کرپشن کے تمام مقدمات میں کلین چٹ تھما دی ہے.