awareinternational A Credible Source Of News
وفاقی وزیر دفاع خواجہ آصف نے کہا ہے کہ عمران خان توشہ خانہ سے چوری میں رنگے ہاتھوں پکڑا گیا، توشہ خانہ کی چوری سے خان صاحب کی صداقت اور امانت کا لبادہ اتر گیا ہے، آن لائن تقریروں سے تحریکیں نہیں چلتیں۔پارلیمنٹ کے باہر میڈیا سے بات چیت کرتے ہوئے انہوں نے کہا کہ عمران نیازی کے لانگ مارچ کے غبارے سے ہوا نکل چکی ہے، وہ بھی جان چکے ہیں کہ اب 12، 10سو سے زیادہ لوگ بھی ان کے لانگ مارچ میں شریک نہیں ہوں گے۔ان کا کہنا تھا کہ عمران توشہ خانہ سے چوری میں رنگے ہاتھوں پکڑا گیا، کوئی شرم ہوتی ہے کوئی حیا ہوتی ہے، ان کی صادق اور امین کی رٹ اب ختم ہونی چاہئے، عمران نیازی کہتا ہے کہ گھڑی چوری کے معاملہ کو عدالت لیکر جاؤں گا، ان کیلئے یہ راستہ بہتر ہے سوشل میڈیا پر ٹیں ٹیں بند کرنی ہوگی۔
