awareinternational A Credible Source Of News
وفاقی حکومت کو مختلف انٹیلی جنس اداروں کی جانب رپورٹ موصول ہوئی ہے کہ تحریک انصاف کے لانگ مارچ میں اشتہاری اور جرائم پیشہ عناصر بھی شامل ہونے کی اطلاعات موصول ہوئی ہیں اور لانگ مارچ میں تخریبی عناصر کی موجودگی کی وجہ سے امن و امان کے سنگین مسائل پیدا ہوسکتے ہیں رپورٹ میں اس بات کا بھی خدشہ ظاہر کیا گیا ہے کہ چئیرمین تحریک انصاف عمران خان کے لانگ مارچ میں مسلح جتھے شامل ہوسکتے ہیں۔ اور سابق وفاقی وزرا علی امین گنڈا پور، شہریار آفریدی اور سابق ڈپٹی اسپیکر قاسم خان سوری پی ٹی آئی میں مسلح جتھے اور گینگز لا رہے ہیں۔رپورٹ میں الزام لگایا گیا ہے کہ وزیراعلیٰ پنجاب چوہدری پرویز الہٰی کے دفتر کو جرائم پیشہ عناصر کی سہولت کاری کے لیے استعمال کیا جارہا ہے، پنجاب حکومت کی سرپرستی سے امن و امان کی صورتحال کو قابو میں رکھنے میں مشکلات ہوسکتی ہیں۔رپورٹ میں کہا گیا کہ گجرات، لاہور کے مضافات، اٹک، پشاور، گجر گڑھی، باڑہ، اور بڈھ بیر سے مسلح جتھوں کی آمد کا خطرہ ہے، صورتحال سے دہشت گرد تنظیمیں فائدہ اٹھا سکتی ہیں. رپورٹ میں بتایا گیا ہے کہ پہلے بھی پی ٹی آئی کے مارچ میں مسلح افراد اور اسلحہ پکڑا گیا تھا اس لیے فول پروف سیکیورٹی انتظامات اٹھانے کی ضرورت ہے
